Komunat e Kosovës kanë filluar të publikojnë kontratat me operatorët ekonomik, kështu duke plotësuar njërin prej tipareve të qeverisjes së mirë. Deri më tani kontratat me operatorët ekonomik i kanë bërë publike nëpër uebfaqet zyrtare të tyre komuna e Prishtinës, Gjakovës, Pejës, Vushtrrisë, Lipjanit, Ferizajt, Skenderajit, Istogut, Gjilanit, Mitrovicës, Drenasit, dhe Kamenicës.
e mërkurë, 12 shtator 2018
Komunat e Kosovës me kontrata të hapura
Një gjë të tillë pritet që ta bëjnë edhe komunat tjera në Kosovë. Përmes këtij veprimi pritet që të plotësohet kushti i transparencës për një qeverisje të mirë, duke iu mundësuar qytetarëve të Kosovës qasje në proceset e prokurimit të komunës së tyre por edhe mundësinë për të kërkuar llogaridhënie dhe përgjegjësi nga institucionet lokale.