Më 25 shtator u mbajt diskutimi AGORA në Komunën e Kamenicës me temë “Pjesëmarrje e gjerë për qeverisje të mirë”, ku të ftuar ishin nënkryetari i komunës, përfaqësuesja nga Departamenti i Kulturës, Rinisë dhe Sportit, përfaqësuesja nga zyra për Komunitete dhe Kthim, si dhe përfaqësues të tjerë komunal.

Të rinjtë/rejat, grat, si dhe përfaqësuesit e shoqërisë civile, të cilët ishin të pranishëm patën rastin të informohen më shumë rreth punës së Komunës, dhe diskutuan mbi proceset vendimmarrëse dhe për mënyrat e përfshirjes së qytetarëve në proceset vendimmarrëse që kanë rëndësi për ta dhe komunitetin ku ata jetojnë. Të rinjtë kërkuan që komuna e Kamenicës të vazhdojë përfshirjen e tyre në të gjitha proceset vendimmarrëse dhe se kërkesat, nevojat dhe shqetësimet e tyre të vazhdojnë të merren parasysh edhe në të ardhmen.

Ky aktivitet u organizuar nga organizata joqeveritare Qendra për Depolitizim të Shoqërisë së Kosovës (CDKD) në kuadër të projektit “Pjesëmarrje e gjerë për qeverisje të mirë”, që implementohet nga instituti Demokraci për Zhvillim (D4D) me përkrahje financiare nga Ambasada e Mbretërisë së Holandës në Kosovë.